Menu
Уникальная программа управления весом faberlic.
Детская одежда faberlic на faberllena.ru

А. И. Софронов-Алампа төрөөбүтэ 130 сылыгар

Бу дьыл сэтинньи 23 күнүгэр А. А. Саввин аатынан историко-этнографическай музейга Оҕо библиотекатын уонна музей улэһиттэрин коҕулээһининэн А. И. Софронов-Алампа төрөөбүтэ 130 сылыгар аналлаах «Алампаҕа айан» диэн литературнай оонньуу күрэҕэ ыытылынна. Манна барыта Чурапчы сэлиэнньэтин үс оскуолалара кэлэн кыттыыны ыллылар: С. А. Новгородов аатынан Чурапчы орто оскуолата, И. М. Павлов аатынан Чурапчы орто оскуолата, С. К. Макаров аатынан улуустааҕы гимназия үөрэнээччилэрэ.

Дьаһал икки чааска арахсан ыытылынна. Бастакы чааска оҕолор 5 тохтобуллаах литературнай экскурсияҕа кытыннылар: 1. «Айар үлэ ыллыга», 2. «Алампа интернет ситимигэр», 3. «Алампа уонна музыка», 4. «Алампа уонна киинэ», 5. «Алампа уонна хаартыска».

Экскурсия быһыытынан экскурсоводтар оҕолору кэритэ сылдьан кэпсээтилэр, билиһиннэрдилэр. Экскурсоводтарынан кииннэмит библиотечнай ситим Оҕо библиотекатын сүрүннүүр библиотекаря У. П. Чичигинарова уонна методист Е. П. Гуляева буоллулар. Хас биирдии тохтобул олус интэриэһинэйдик, уратытык, сэргэхтик ыытылынна.

«Алампа уонна музыка» диэн тохтобулу А. П. Гоголев аатынан оҕо музыкальнай оскуолатыттан С. П. Макарова уонна Сахаяна Яковлева С. К. Макаров аатынан улуустааҕы гимназия 9 кылааһын үөрэнээччитэ «Үрүҥтуллук эрэ мөлбөстүүр», «Оҕо, оҕо эрдэххэ» ырыаларын пианиноҕа оонньоон иһитиннэрдилэр, оҕо муусуканы истэр дьоҕурун сайыннаран тэттик дьарык оонньуулары ыыттылар.

Саха өрөспүүбүлүкэтин үтүөлээх учуутала, А. А. Саввин аатынан музей научнай үлэһитэ М. Е. Филиппова «Алампа уонна Чурапчы» диэн сүрдээх интэриэһинэй иһитиннэрии оҥорон оҕолор билиилэрин хаҥатта, сонуну иһитиннэрдэ.

Иккис чааһыгар кэтэһиилээх, тыҥааһыннаах «Алампаҕа айан» литературнай оонньуу ыытылынна. Дьүүллүүр сүбэ: Саха өрөспүүбүлүкэтин үтүөлээх учуутала, А. А. Саввин аатынан музей научнай үлэһитэ М. Е. Филиппова, Кииннэммит библиотечнай ситим библиотекаря М. Н. Захарова уонна Оҕо библиотекатын методиһа Е. П. Гуляева. 

Күрэх барыта 5 түһүмэхтэн турар. Бастакы түһүмэх 3 категориялаах: «Алампа уонна театр», «Алампа оҕолорго», «Алампа уонна поэзия». Командалар категориялары талан ыйытыктарга хоруйу биэрдилэр. Иккис түһүмэх «Сыл-хонук» – суруйааччы олоҕуттан хронология. Үһүс түһүмэх – блиц ыйытыктар. Бэриллибит бириэмэ иһигэр ыйытыктарга эппиэт. Төрдүс түһүмэх «Алампа уонна хаартыска» – бэриллибит сорудаҕы бириэмэ иһигэр толоруу. Бэһис түһүмэх «Алампа саргылаах саҥатынан…» диэн дьиэҕэ сорудаҕы көрүү. Суруйааччы хоһооннорун уус-ураннык өйтөн ааҕыы.

Оскуолалар сүрдээх үчүгэйдик бэлэмнэнэн оонньуу өрө тыҥааһыннаахтык ааста. Түмүгэр кыайыыны 1 очкуонан хотон улуустааҕы гимназия хамаандата ылла. Иккис миэстэ И. М. Павлов аатынан оскуола, үһүс С. А. Новгородов аатынан оскуолалар буоллулар. Оонньуу түмүгүнэн «Бастыҥоонньооччу» анал бирииһи С. К. Макаров аатынан Чурапчытааҕы гимназия 10 «а» кылааһын үөрэнээччитэ Никита Григорьев ылла. Тэрээһин түмүгэр кыайыылаахтары наҕараадалааһын уонна уопсай хаартыскаҕа түһүү тэрилиннэ.

 
НАВЕРХ Яндекс.Метрика