Menu
Уникальная программа управления весом faberlic.
Детская одежда faberlic на faberllena.ru

“Ааҕыы – билии биһигэ”

Өрөспүүбүлүкэтээҕи тыл этээччилэр күрэхтэрин балаһыанньата

Күрэхтэһии балаһыанньата уонна сыһыарыылара

1.         Балаһыанньата:

1.1. Саха Өрөспүүбүлүкэтин Национальнай бибилэтиэкэтин 95 сыллаах өрөгөйдөөх үбүлүөйүгэр аналлаах орто сүһүөх оскуола оҕолоругар анаан Өрөспүүбүлүкэтээҕи тыл этээччилэр күрэхтэрэ (салгыы – Күрэх) ыытыллар;

1.2. Күрэҕи Саха Өрөспүүбүлүкэтин Национальнай бибилэтиэкэ филиала «Оҕо ааҕыытын киинэ» (салгыы – Оҕо ааҕыытын киинэ) тэрийэн ыытар.

 

 

2.         Сыала - соруга:

  • саныыр санааны толору арыйа, дьон иннигэр сатаан тутта–хапта тылы этии култууратыгар  үөрэтии;
  • уус–уран уонна кыраайы үөрэтэр литэрэтиирэҕэ сыһыарыы, литэрэтиирэни аттаран, сөптөөхтүк туһана үөрэнии, тиэмэҕэ аналлаах кинигэлэри, ыстатыйалары булан ааҕыы,бэйэ санаатын кытта дьүөрэлиир дьоҕуру сайыннарыы;
  • саха литэрэтиирэтигэр, төрөөбүт тылга уһуйуу;
  • Ийэ дойдуга тапталы иҥэрии, бэриниилээх буоларга иитии.

 

3.         Күрэх ыытыллар болдьоҕо:

3.1.      Күрэх 1-кы түһүмэҕэ Zoom анал сыһыарыы видео – конференция нөҥүө кэтэхтэн ыытыллар;

3.2.      Ыытыллар күнэ: балаҕан ыйын 25 күнэ, сарсыарда 11:00 чаастан;

3.3.      Күрэххэ Өрөспүүбүлүкэ оскуолаларын орто сүһүөх 5-8 кылаас үөрэнээччилэрэ кыттыыны ылаллара ирдэниллэр;

3.4.      Кыттааччы сайаапканы балаҕан ыйын 18 күнүгэр дылы (1 нүөмэрдээх сыһыарыы) This email address is being protected from spambots. You need JavaScript enabled to view it. (“Аман өс” бэлиэтээн ) толорон, электроннай аадырыска ыытар.

 

4.         Тутуһуллар ирдэбиллэр:

4.1.      Сайаапкаҕа оҕо, төрөппүтүн (иитээччи) тус дааннайдарын докумуоҥҥа киллэрэргэ төрөппүт (иитээччи) сөбүлэҥэ хайаан даҕаны ирдэниллэр (2 нүөмэрдээх сыһыарыы);

4.2.      Кыттааччы тылы этэр бириэмэтэ 3-5 мүнүүтэ;

4.3. Кыттааччы бэйэтин тылынан уустаан – ураннаан кэпсиирэ ирдэниллэр (бэчээттэммит тиэсиhи туһанара көҥүллэммэт);

4.4. Тыл этии ис хоhооно кыттааччы бэйэтин толкуйугар, ѳйүгэр–санаатыгар, сааһыгар сөп түбэhэр буолуохтаах;

4.5. Кыттааччы сахалыы таҥастаах буолара биһирэнэр.

 

Тыл этии ирдэбилигэр: кэпсиир тиэмэтин сөпкө, төһө толору арыйарын, бэйэтин санаатын, билиитин–кѳрүүтүн истээччигэ төһө итэҕэтиилээхтик тиэрдэрэ көрүллэр;

Тыл этии тиэхэньикэтигэр: кыттааччы туттан–хаптан турара, саҥарар куолаһа, дииксийэтэ, тылы этэр тэтимэ, уустаан-ураннаан ойуулааһына сыаналанар.

 

 

5.         Күрэх ыытыллар бэрээдэгэ:

5.1.      Тыл этии III түһүмэҕинэн ыытыллар:

I түһүмэх - биир сүрүн тиэмэҕэ тыл этии;

II уонна III түһүмэхтэр алтынньы ыйга ыытыллаллар. Эрдэттэн бэриллибит тиэмэлэртэн талан ылан тыл бэлэмнэнии.

Тыл этиитин тиэмэлэрэ:

I түhүмэх: «Ааҕыы - билии төрдө»:

  • Национальнай бибилэтиэкэ төрүттэниитэ;
  • Национальнай бибилэтиэкэ уонна биһиги дьиэ кэргэммит;
  • Мин сөбүлээн аахпыт кинигэм;
  • Бибилэтиэкэ баай пуондата кэпсиир...
  • Хаһыат саһарбыт страницалара
  • Бибилэтиэкэ мин олохпор
  • Кинигэ – олоҕум аргыһа
  • Билии күлүүһэ - кинигэ
  • Мин дьиэм кинигэтин долбуура.

 

II түһүмэх:

«Уоттаах сэрии сыллара»

  • Сэрии буолбатын, хаан тохтубатын!
  • Кыайыыга кынаттаабыт хоһооннор, ырыалар
  • Улуу Кыайыыны уһансыбыт буойун суруйааччылар

 

«Сахам сирэ барахсан»

  • Төлө туппат баайым төрөөбүт төрүт тылым
  • Саха норуотун чулуу уола
  • Мин Өрөспүүбүлүкэм – мин киэн туттуум

 

III түhүмэх: соhуччу бэриллэр тиэмэ, тута хоһуйуу.

 

6.         Сыанабыл уонна наҕараадалааһын:

6.1.      Күрэх ыытылларыгар экспертнэй дьүүллүүр сүбэ тэриллэр. Экспертнэй сүбэһиттэргэ: Национальнай бибилэтиэкэ сүрүн үлэһиттэрэ, Дьокуускай куорат оскуолаларын учууталлара, Максим Кирович  Аммосов аатынан Хотугулуу-Илиҥҥи бэдэрээлинэй университет преподавателлэрэ киирэллэр;

6.2.      Экспертнэй сэбиэт үлэтин түмүгүнэн, сааһынан наардаан икки бөлөх кыайыылаахтарыгар, анал ааттар хаһаайыннарыгар диплом, өйдөбүнньүк бириистэр туттарыллар;

- 5 – 6 кылаас үөрэнээччилэрэ;

- 7 – 8 кылаас үөрэнээччилэрэ;

6.3.      Күрэххэ кыттыбыт үөрэнээччилэргэ, туоһу сурук сайаапкаҕа ыйыллыбыт электроннай аадырыстарга ыытыллар;

6.4.      Күрэх түмүгүн, Оҕо ааҕар киинин анал сыһыарыытыгар http://bdulib.ru/уонна социальнай ситимтэн ааҕан билиэхтэрин сөп.

Сиһилии билсэр төлөпүөҥҥүт: 89142365593

 

Күрэхтэһии балаһыанньата уонна сыһыарыылара

НАВЕРХ Яндекс.Метрика Яндекс.Метрика